– Musikk kan hjelpa læring gjennom eit stabilt lydmiljø, seier tidligare doktorgradsstudent Marie Strand Skåland, som nyleg avslutta ein doktorgradsstudie på bruk av Mp3-spelarar.

– Musikk i seg sjølv kan bidra til konsentrasjon fordi han gjev eit mer stabilt lydmiljø, og nokre opplever også at musikken gjev motivasjon og struktur til arbeidet. Musikken gkjev ein slags arbeidsrytme, seier Skåland til Studvest.

• Les også: For kort studieår

Ho meiner at fokuset på arbeidet faktisk kan verta betre gjennom bruk av musikk.

– Lyttaren klarer lettare å fokusera på arbeidet fordi ho skjermar seg fra omgjevnadene, både psykologisk og auditivt, meiner ho.

Skåland påpeikar også at det å sitja på ein lesesal med øyreproppar sender «ikkje forstyrr-signal» til andre rundt deg.

• Les også: Trufaste studentar

Sist fredag klokka 13.00 sat det elleve personar med høyretelefonar på biblioteket ved Det humanistiske fakultet ved Universitetet i Bergen (UiB), og fleire hadde sine liggjande ved sida av seg.

Sosiologistudent Lisa Weldhanna er ein av fleire studentar som høyrer på musikk på lesesalen. Ho meiner nyansane i musikken verker inn på konsentrasjonen.

– Den må vera litt rolig, utan høge lydar. Det er kanskje litt varierende kvifor ein høyrer på musikk på lesesalen, men eg gjer det for å overdøyva det rundt meg, seier ho til Studvest

• Les også: Fleire studentar

For Weldhanna er det også en skilnad på kva ein faktisk les.

– Tunge originaltekstar i sosiologi krev meir ro. Det krev mer merksemd sidan språket er tungt, meiner sosiologistudenten.

Sosiologistudent Weldhanna meiner musikken gjer at ein held motet oppe, at lesinga vertr meir koseleg og generelt gjer noko med humøret, sjølv om tekstar i musikken kan verka forstyrrande.

– Tekstar eg fylgjer med på vert eit problem. Tekstar eg kan er ein fordel, meiner ho. (ANB)

Her kan du lesa mer om kva Skåland har funne ut om konsentrasjon og musikk på øyra