Høgaste krafteksporten på tolv år
Oslo (ANB-NTB): Nettoeksporten av elektrisk kraft frå Noreg i årets andre kvartal er den høgaste på tolv år.
Trass i sein snøsmelting har kraftproduksjonen vore høg.
Det viser førebelse tal frå Norges vassdrags- og energidirektorat.
Låge temperaturar i fjellet har ført til sein snøsmelting.
– Men kraftproduksjonen har likevel vore høg, fordi produsentane gjer plass til smeltevatnet dei veit kjem, seier vassdrags- og energidirektør Per Sanderud.
Nettoeksporten var 5,2 TWh i andre kvartal i år.
Mildt ver, mykje vatn i magasina og framleis mykje snø i fjellet bidrog til at prisane held seg låge.
– Me har nå ein god ressurssituasjon i Noreg og Norden. Med normal utvikling i temperatur og nedbør framover er det liten grunn til å venta spesielt høge prisar til vinteren. Men dette biletet kan endrast dersom me får monaleg mindre nedbør enn normalt, seier Sanderud. (ANB-NTB)
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
