Kring 17.30 vart ho frakta til Voss sjukehus i ambulanse.

Ulukka hende då ein bil som vart frakta i ein tilhengar fall av og traff ein annan bil, som vart knust i fronten. Kvinna som køyrde denne var ved medvit då redningsmannskapa fekk ho fri frå bilvraket.

Traff autovernet

Politiet melder at bilen oppå tilhengjaren glei av etter at bilen som drog biltilhengjaren kom borti autovernet. Den påfylgjande kollisjonen var kraftig. Bilen som vart treft, vart kasta ut i grøfta. Det tok om lag ein time å få den skadde bilføraren laus. Skadane hennar skal vera moderate.

Helikopter må stå

NRK melde litt før klokka 17 at E16 kjem til å verta stengd i fleire timar framover. Årsaka er at ambulansehelikopteret på staden tok borti ein brannbil då det skulle letta. Helikopteret får ikkje reisa frå staden før det er undersøkt av ekspertar.

Det er no organisert omkøyring med manuell dirigering gamlevegen mellom Bolstadøyri og Vassenden. Denne er ikkje tilgjengeleg for tyngre køyretøy.