Tur frå Finden til Solrenningen
Finden er ein liten idyll på sørsida av Sognefjorden. / Les saka
Elvira på gullsteinen. Foto: Ingvild Runhovde
Elvira på gullsteinen
Publisert: 04.09.09 kl. 12.29
Skribent: Jan Egil Dyvik
E-post: jed@avisa-hordaland.no
BERGSDALEN: – Me har hytte i Bergsdalen, og barnebarnet Elvira (6) var med meg i sommar – då me fann gullsteinen på Steinafjellet.
Det forlet Ingvild Runhovde, som er busett på Austlandet. Hytta som familien har i Bergsdalen, bygde Elvira sin tippoldefar for 75 år sidan.
– No er Elvira førebels siste generasjon som har hatt glede av både hytta og den fantastiske naturen som hytta ligg i, seier Runhovde.
Kurt Johannsen sin gullstein
For nokre år sidan fann dalingen og performance-kunstnaren Kurt Johannesen ut at han skulle dekka ein stein på Steinafjellet med bladgull.
Eit underleg påfunn i seg sjølv kanskje, men visseleg ikkje for kunstnaren.
– Steinen er fantastisk flott der den ligg glinsande mellom alle dei andre gråsteinane, meiner Runhovde.
Glade for å nå målet
– Ein dag la Elvira og eg turen til Steinafjellet, me gjekk oppover og oppover og endeleg – etter nesten fire timar og mange blåbærpausar i ulendt terreng, fekk me auga på gullsteinen.
– Eg trur nesten eg tek til å gråta, utbraut Elvira, ho vart så glad for å endeleg å ha nådd målet.
Me hadde nesten gjeve opp etter å ha virra rundt på fjelltoppen 975 m.o.h. i nesten ein time – utan å ha fått auga på steinen.
Ei lita, tøff og stolt jente, og kanskje endå kryare bestemor, gjekk med lette steg tilbake til hytta.
– Me feira gullfunnet med gelé og vaniljesaus før middag. Det hadde me ærleg fortent begge to, tykte me.
