Tur til Yksendalsstølen
I høve Eksingedalsmarknaden var det fellestur til Øksendalsstølen. / Les saka
MJØLK: Kroppsdelar forma av frosen mjølk, ligg til tining. Skulpturen til Vilde Andrea Brun gjev tanken næring. ANNE RIVENES | tekst og foto
Folkeleg kunst
Publisert: 14.10.08 kl. 09.31
Skribent: Anne Rivenes
E-post: ar@avisa-hordaland.no
Ute på fortauet sit Kirsti van Hoegee. Ho brettar papirfroskar og sniklyttar til publikumsresponsen på eigne bilete.
Laurdag opna 400meterkunst, med musikk på torget og deretter ei lynrask avduking av alle kunstverka langs sentrumsgatene.
– Dette er den mest folkelege kunstutstillinga eg veit om. I byn heiter det vernissage, og det går i kanapear og champagne, seier Maya Abbedissen.
Enkelt og viktig
Frå scenen på torget såg Abbedissen langt etter kanapeane. Eit par hotdog var det næraste ho kunne skimta av mat. På den andre sida, det var langt mellom oppjåla kulturfiff, også. Briller som fargematchar skjalet, alvorlege miner og djupe samtalar, var det også lite med, meinte Abbedissen. – Me vossingar er enklare.
Me hiver på oss udla og regnkle, og glytter nett inn i butikkvindaugo på veg for å handla fugemasse hjå Tvilde- ’n. Då kan me risikera å få ei estetisk oppleving. Det er veldig bra, seier Abbedissen.
Ho fortalde om den aller første gongen ho deltok på kunstutstilling, om korleis ho stod bergteken framfor eit målarstykke, og forsto for første gong kva ei kunstutstilling kan innebera.
Mat for auga og øyra
Eldbjørg Raknes overtok scenen med eigenkomponert musikk. – Først ein improvisasjon, og til sist var det Regnbogane, som er min låt til tekst av Olav H. Hauge, seier Raknes. Hanne Vatnøy lagar også musikken sjølv, og ho fekk tonefylgje av Marion Rodgers Løseth. Ein smakebit frå «Sangen om flammen», fekk me også. Så var det tid for avduking av alle kunstverka som har vore gøymde bak store plastforheng. Publikum fekk storma ut i gatene, og opna opp sjølve for nye kunstopplevingar.
Kjell-Erik Ruud og Aagot Rokne smiler frå øyra til øyra når dei endeleg kan ordentleg opna årets store kunst-happening. Dei flekkjer ned store plastflak, og gjev seg i veg innover Vangen. Utanfor Playcom ligg frosne figurar, laga av mjølk, i fasong av kroppsdelar.
