Solse i Ulvik
Fine dagar i skiløypa. Her frå Solse i Ulvik. / Les saka
KJERNEKARAR: Desse fire karane har vore sentrale i arbeidet med modellen av gamle Vinje kyrkje. Til høgre set dei to som har bygt modellen: Torstein Grevle (t.h.) og Sigmund Nesbø. Mannen med ideen, ættegranskar Roald Lyngvær, står og snakkar, medan sogelagsmann Ivar Husdal er vert for kranselaget, i eldhuset sitt frå 1670. SJUR HERRE | tekst og foto
Kransegilde med alvor og skjemt
Publisert: 14.05.08 kl. 13.25
Skribent: Sjur Herre
E-post: sh@avisa-hordaland.no
– Modellen av gamlekyrkja på Vinje kan symbolisera både det som har vore, og det som kan verta.
Slik omlag ordla prost Knut Knudsen seg under eit stemningsfullt kranselag for kyrkjemodellen, som vart halde i Ivar Husdal sitt eldhus frå 1670 onsdagskvelden.
Det prosten meinte, og har tru på, er at kyrkja kan vert ført opp i full målestokk – på kyrkjetomta på gamle Vinje, slik den ein gong såg ut.
I så fall vil dei som står bak dette prakteksemplaret, vera inspirasjon til at ei ny kyrkje vert oppført.
– Kyrkja ville verta ein stille stad, og som eit historisk minnesmerke, der ein også mellom anna kunne føreta vigsler. Det vil eg tru er både morosamt og spanande, meinte Knudsen.
