Tur til Yksendalsstølen
I høve Eksingedalsmarknaden var det fellestur til Øksendalsstølen. / Les saka
KVINNEROLLER: Campingkvinnene tydeleggjer ulike kvinnelagnader og kvinneroller på ein overtydande måte. Kombinasjonen av installasjon og lyd/musikk fungerer godt i dei små romma – alt bygt inn i fem gamle campingvogner. Foto: Vidar Herre
Symbolmetta kvinnekunst
Publisert: 12.09.08 kl. 17.43
Skribent: Nils Kvamsdal
E-post: nk@avisa-hordaland.no
Det er ikkje kvar dag du får koma under stakken på – ikkje berre ei, men fem – drustelege damer.
Og det midt på ljose dagen! Campingkvinnene er ein rullande kunstinstallasjon frå Stavanger som torsdag ettermiddag inntok Vangen og plassen heilt ned mot Vangsvatnet, nedanfor Holbergsplassen.
Bak prosjektet, som er ein del av kulturhovudstadsåret Stavanger2008, står kunstnarane Marit Bente Norheim og Geir Johnson. Norheim har kledd fem gamle campingvogner i ulike kvinneskapnader med vognene som skjørt, medan samtidskomponisten Geir Johnson har spesialskrive musikk som står til dei fem symbolske uttrykka.
Campingkvinnene ber namna «Bruden», «Flyktningen», «Camping Mama», «Maria Beskytteren» og «Sirene». Og interiøret i dei fem vognene er lett å assosiera med desse fem kvinnerollene.
