Tur frå Finden til Solrenningen
Finden er ein liten idyll på sørsida av Sognefjorden. / Les saka
-
Øystein Dahle er norges største miljøprofet. Han tok temperaturen på jordkloda og sa at no må det andre middel til ein vanleg dispril. Me må gjera noko med grunnen til sjukdommen
Tankar om miljøvern og lagspel opna Vossajazz 2010
Publisert: 25.03.10 kl. 23.14
Skribent: Sveinung Klyve - tekst og foto
Engasjerande innlegg om miljøvern, samhald og lagspel ispedd med vakker musikk, opna Vossajazz 2010.
Vossakveik -
er Vossa Jazz sitt næringslivsseminar. Ca 200 personar frå næringslivet på Voss var tilstades. Dei fekk også ein god smakebit av korv og brød frå Bergsdalstunet. Det trongs for det heile varte 4 timar i Fraktgodsen.
Jordkloda har feber:
Øystein Dahle tok temperaturen på jordkloda, som har stige med 2 grader, men toler ikkje 2 til. og sa at no må det andre middel til ein vanleg dispril. Me må gjera noko med grunnen til sjukdommen. Eit lagspel må til, men no må me snart handla og ikkje berre prata om det slik me har gjort i 20 år. Halvparten av alle 5,6 milliardar menneske på jorda bur no i byar, og produserer ikkje sin eigen mat. Det er jordbruket som er viktig i framtida.
Før var Norge meir opptekne av handling, men i dag har me masse pengar som gjev dårleg miljøhandling. Det burde vore rasjoneringskort på bruk av bilen slik at ein verkeleg hadde tenkt seg om kva ein trong han til. Det er i dag 580 millionar bilar på jorda.
Kven skal då læra oss nordmenn å klara oss med mindre og ikkje berre krevja meir og betre heile tida. Det er lys i tunnelen, men no hastar det å gjera noko. Kven skal starta omstillingsprosessen. Me kan ikkje venta at USA, Russland eller Kina gjer det. Me må visa veg sjølve, ja kanskje i lag med svenskane, som er betre på miljøvern enn oss,avslutta Dale.
Tufte il:
Erik Thorstvedt snakka om Tufte il, fotball-laget som han bygde opp av dei dårlegaste spelarane han fann. Han fekk inn 200 personar som aldri hadde spelt fotball før og plukka ut dei dårlegaste. Mennesket er bygd for å forbetra seg og det gjorde også Tufte IL. Thorstvedt hadde klare mål og oppnådde det. Tufte IL er i dag like kjende som dei beste Norske laga. Ikkje for at dei er best, men for sin framgang og visjon. Alle på laget lærte at dei var gode nok og viktige.
Alle fekk eit menneskeverd som drog fram det gode egoet i dei. Dette kom gjennom motviasjon-skryt og meistring. Det er viktig at folk får sjølvkjensle og vert dregne oppover og ikkje rakka ned på.
Morten Krogvold:
Fotograf og kulturentusiast Morten Krogvold avrunda det heile med sitt kulturelle blikk av Norge sett med både norske og utanlanske "briller". Han var imponert over Thorstved sitt tolmod med Tufte il. Ein må finna sin identitet og klara å laga noko nytt av det samme gamle.
Voss har klart det lenge. Er kultur lønsamt ? Ja meiner Krogvold, men i dag er me så rike at me ikkje har råd til det. Når Norge var på sitt fattigaste i Europa, bygde me Nidarosdomen. Mennesket må få utvikla seg ,men det på gjerast på ein god måte. Me må oppleva og føla ting sjølve og ikkje sjå det på TV og film.
