To velvaksne snømenn var på plass for å helsa Statnett-utsendingar velkomne til Granvin fredag.

Representantar for Statnett har fredag møte med leiinga i Granvin, og fekk med seg ei fredeleg påminning om at kraftlinjebygginga ikkje er like populær hjå alle. Ved inngangen til heradshuset i Granvin sto ei velutvikla snø-dame, med gulrotnase og neittakk-skjorte, og «Hardanger in danger» skilt.

I vegkrysset på Tueteigen sto ein tilsvarande snømann, som då det lysna av dag hadde mista hovudet. Det kan sjølvsagt tolkast på ulikt vis?

På Hardangeraksjonen sin nettstad er ansvaret for snømennene tillagt «Hufsa».