DALE: Sidan samhandlingsreforma vart innført ved nyttår, har Vaksdal kommune teke imot over 30 utskrivingsklare pasientar frå sjukehuset på Voss.
– Me har klart å ta imot alle saman, og har unngått bot, sa Helge Risnes (Ap) då han nyleg informerte om status for reforma.
Bota for ikkje å ta mot når pasientane er klare for utskriving, er 4.000 kr i døgeret.
– Det har heller vore slik at me har fått melding om pasientar som ikkje kjem. Dette vil me også ta opp med sjukehuset med det aller første, opplyste Risnes.