Farne tider - 13. mars
Biletet er frå bryllaupet til Elisabet Prestegard Nyre og David Sausjord i 1928. / Les saka
– Iran byggjer nye opprikingsanlegg
Publisert: 08.02.10 kl. 11.42
Skribent: NPK
E-post: npk@npk.no
(NPK-NTB-Reuters): Iran planlegg å byggje ti nye anlegg for å rike opp uran, seier landets atomenergisjef.
Ali Akbar Salehis kunngjering kom søndag kveld etter at president Mahmoud Ahmadinejad gav Irans atomenergiorganisasjon ordre om å begynne produksjonen av høgopprika uran til ein forskingsreaktor.
– Iran kjem til å byggje ti anlegg for å rike opp uran det neste året, seier Salehi på organisasjonens nettsider.
Planane om å byggje nye anlegg vart offentleggjort alt i november i fjor, men det vart den gongen ikkje gitt nokon tidsramme for bygginga.
Vesten fryktar at Iran skal bruke atomteknologien til å utvikle atomvåpen, medan Iran på si side står fast på at atomprogrammet berre er til fredelege føremål. (©NPK)
