Farne tider - 13. mars
Biletet er frå bryllaupet til Elisabet Prestegard Nyre og David Sausjord i 1928. / Les saka
72.000 straumkundar får lågare nettleige
Publisert: 08.02.10 kl. 10.48
Skribent: NPK
E-post: npk@npk.no
(NPK): Noregs vassdrags- og energidirektorat (NVE) gir i år tilskot på 60 millionar kroner til dei 26 nettselskapa som har dei høgste nettariffane i landet.
I alt er det cirka 72.000 straumkundar som i år får redusert nettleiga gjennom dette tilskotet. Reduksjonen er i gjennomsnitt 4,6 øre/kWh.
Tilskotet som NVE fordeler er tildelt av Stortinget for å jamne ut nettariffane i område av landet der forsyningsforholda er vanskelege og tariffane høge. Dei viktigaste årsakene til høge tariffar er stor avstand mellom abonnentane og vanskelege geografiske forhold som påfører nettselskapa høge kostnader til investeringar og vedlikehald av nettet.
Nettselskapa pliktar å la heile tilskotet kome kundane til gode i form av reduserte tariffar same år som tilskotet er tildelt. (©NPK)
