Kommunikasjonsdirektør Ragnar Norum i Hurtigruten seier til TV 2 at selskapet ikkje lenger får lov å marknadsføre Noreg og Hurtigruten i Kina. I år hadde ein venta 7.000 gjestedøgn med kinesiske turistar på skipa.

– Vi har jobba hardt på dei asiatiske marknadene dei siste åra. Det hadde endeleg byrja å losne litt, så det er veldig synd at det no blir stopp, seier Norum.

Boikotten til Kina er allereie merkbar. To fulle charterfly med 500 kinesiske turistar skulle etter planen ha landa på Evenes til hausten med gjester til Hurtigruten.

– Alt var planlagt og bestilt. Også datoane var fastsett, men no er det altså stoppa, seier Norum.

Han håpar den kinesiske boikotten er midlertidig, sidan Noreg var på god veg inn i den kinesiske marknaden. (©NPK)