PORTRETTET: Marta steg for steg
– Viss du skal eta ein elefant, må du dela han i små porsjonar! Marta Katrine Egdetveit ler godt og hjarteleg. / Les saka
Austmannalitunnelen opnar fredag ettermiddag
Publisert: 17.12.09 kl. 16.18
Skribent: NPK
E-post: npk@npk.no
(NPK-NTB): Sikringsarbeidet ved Austmannalitunnelen på E134 over Haukelifjell er ferdig. Tunnelen er venta å opne igjen fredag ettermiddag.
– På grunn av dei mellombels sikringstiltaka vil tunnelen få ei høgdgrense på 4,2 meter, som dei andre tunnelane på Haukeli. Etter permanent sikring vil tunnelen få ordinær høgd igjen, skriv Statens vegvesen i ei pressemelding.
Statens vegvesen ymta tidlegare om at tunnelen kunne opnast for trafikk att 9. desember.
Austmannalitunnelen vart stengt 20. november, då steinblokker frå fjellsida raste ned og knuste portalen ved den vestre inngangen til tunnelen. Ingen personar kom til skade.
Tunnelen er 903 meter lang og ligg like overfor Røldal i Hordaland. (©NPK)
