Levande bjørk i vinterkulda
Det er 25 minus og sylklar morgon ved Djukastein på Bulken. / Les saka
Bjørgen får bruka dopinglista astmamedisin
Publisert: 18.12.09 kl. 07.41
Skribent: NPK
E-post: npk@npk.no
(NPK-NTB): Marit Bjørgen (29) har fått løyve til å bruka ein astmamedisin som står på dopinglista til Verdsantidopingbyrået (WADA). skriv VG.
Bjørgen har brukt astmamedisin i fleire år, men fekk i sommar påvist astma på eit alvorlegare nivå enn tidlegare. Det internasjonale skiforbundet (FIS) har gjeve henne løyve til å bruka den nye medisinen.
Han er sterkare og passar langrennsstjerna betre. Langrennstrenar Egil Kristiansen meiner det er ein stor grunn til at Bjørgen har fått ein god start på sesongen.
Landslagstrenar Hans Petter Stokke forklarer at den nye medisinen fungerer betre for luftvegane.
– Marit får betre surstofftilførsel, og musklane får det dermed betre, seier Stokke. (©NPK)
