Levande bjørk i vinterkulda
Det er 25 minus og sylklar morgon ved Djukastein på Bulken. / Les saka
Etterlyst kvinne ønskte å flytte heimanfrå
Publisert: 08.02.10 kl. 10.00
Skribent: NPK
E-post: npk@npk.no
(NPK-NTB): Den 26 år gamle kvinna som har vore sakna frå Høvik i Bærum sidan onsdag morgon, skal ha ønskt å flytte heimanfrå og skaffe seg ein ny identitet.
Det har ei venninne av den etterlyste kvinna forklart til politiet.
Venninna skal ifølgje VG også ha forklart til politiet at foreldra til 26-åringen prøvde å overtale henne til å gifte seg med ein mann i Pakistan. Dette kom ikkje på tale for henne.
Venninner av den etterlyste 26-åringen har også forklart politiet at kvinna skal ha hatt ein hemmeleg kjærast i Noreg. Vedkomande er avhøyrt av politiet.
Ifølgje Dagbladet høyrer kjærasten til i eit «belasta Oslo-miljø». Forholdet skal ha vore kjent for storesøstera, men altså ikkje for foreldra. (©NPK)
