Avisa Hordaland

Publisert: 11.03.10 kl. 08.31
Skribent: NPK
E-post: npk@npk.no

(NPK-NTB): Finansminister Sigbjørn Johnsen seier me no må vente oss eit kvileskjær i velstandsutviklinga.

Budsjettkonferansen til regjeringa, der linjene blir lagt for neste år, startar på Hadeland søndag.

Finansministeren har for lengst gjort det klart at bruken av oljepengar skal ned.

– Det er viktig av to grunnar. For det første av omsyn til konkurranseutsett industri, og at me ikkje får eit særnorsk rentenivå som skil seg vesentleg frå det me har ute. Det andre, som er noko meir langsiktig, er omsynet til finansieringa av velferda over eit lengre tidsrom, seier Johnsen til NRK.

Difor blir det ikkje rom for velferdsløft på neste års statsbudsjett.

– Ein må stille seg spørsmålet om ein kan ta eit lite kvileskjær og faktisk byggje opp under det me har, og sikre at ein får ein god finansiering me har også for framtida, seier finansministeren. (©NPK)

Interaktivt