Farne tider - 13. mars
Biletet er frå bryllaupet til Elisabet Prestegard Nyre og David Sausjord i 1928. / Les saka
Lovavdelinga sjekkar habiliteten til Brekk
Publisert: 17.12.09 kl. 16.30
Skribent: NPK
E-post: npk@npk.no
(NPK-NTB): Landbruksdepartementet har bedt lovavdelinga i Justisdepartementet om å vurdere om landbruksminister Lars Peder Brekk (Sp) er habil som den øvste ansvarlege for Mattilsynet.
Broren til Brekk er styreleiar i fleire oppdrettsselskap innanfor Sinkaberg Hansen-gruppa, der fiskeriminister Lisbeth Berg-Hansen (Ap) har ein større eigarpart.
Sjefen for Direktoratet for naturforvalting, Janne Sollie, har tidlegare kritisert regjeringa for å ikkje gi ordre til tvangsslakting av laks på grunn av lakselus. Det vart sterkt sagt imot av landbruksministeren, som meinte det var ein uheldig oppførsel av ein framståande byråkrat.
No har han altså bedt om å få habiliteten sin vurdert på grunn av styreverva bror hans har i familieselskapa til fiskeriministeren, skriv Adressa.no. (©NPK)
