Avisa Hordaland

Publisert: 12.03.10 kl. 15.30
Skribent: NPK
E-post: npk@npk.no

(NPK-NTB): Det skal bli mogleg å gi køyreforbod eller inndra båtførarbevis ved grove lovbrot til sjøs.

Regjeringa la fredag fram eit lovforslag som gjer dette mogleg, som eit ledd i arbeidet med å styrkje tryggleiken.

– Vi ønskjer å luke vekk dei som gjer grove lovbrot. Samtidig trur eg trusselen om å miste retten til å føre fritidsbåt vil virke preventivt og skape betre haldningar og dermed styrke sjøtryggleiken, seier nærings- og handelsminister Trond Giske (Ap) i ei pressemelding.

Aktlaus navigering og promille på over 0,8 blir trekt fram som døme på kva som kan føre til tap av førarrett. Lovbrytarane kjem normalt til å bli fråtekne retten til å føre båt i eitt år. Ved skjerpande omstende kan ein miste retten til å føre båt i inntil fem år.

Lova skal etter planen tre i kraft samtidig med innføringa av obligatorisk båtførarbevis 1. mai i år. (©NPK)

Interaktivt