PORTRETTET: Marta steg for steg
– Viss du skal eta ein elefant, må du dela han i små porsjonar! Marta Katrine Egdetveit ler godt og hjarteleg. / Les saka
Mongstad-tilsette tilbake på jobb
Publisert: 08.02.10 kl. 15.47
Skribent: NPK
E-post: npk@npk.no
(NPK-NTB): Dei 200 medarbeidarane som vart evakuert etter ein gasslekkasje på Mongstad i Hordaland måndag morgon er no tilbake på jobb, skriv Statoil.
– Me fekk «faren over»-signalet klokka 11, og då kunne me byrja å sleppe dei evakuerte tilbake til raffineriet, seier sjef for foredling i Statoil, Morten Ek, til NTB.
Det vart meldt at lekkasjen var under kontroll klokka 09.40, men sidan gassen, ei blanding av metan og propan, er farleg for menneske, måtte ein vente til lufta var rein før ein starta opp igjen drifta ved raffineriet.
Anlegget der lekkasjen skjedde er framleis stengd, og vil bli undersøkt for feil. Ingen personar er meldt skadd eller sakna etter gasslekkasjen.
Ambulanse og brannmannskap vart sendt til Mongstad, men det var brannvernet til anlegget som fekk kontroll over utsleppet. (©NPK)
