Tur til Yksendalsstølen
I høve Eksingedalsmarknaden var det fellestur til Øksendalsstølen. / Les saka
Pyeongchang søkjer vinter-OL for tredje gang
Publisert: 11.03.10 kl. 07.37
Skribent: NPK
E-post: npk@npk.no
(NPK-NTB): Pyeongchang gir ikkje opp. Den sørkoreanske byen søkjer for tredje gang om å få arrangere vinter-OL.
Byen nådde ikkje opp i 2010 (Vancouver) eller 2014 (Sotsij). No er målet å få vinterleikane i 2018. Pyeongchang får konkurranse frå München og Annecy.
Sør-Korea vart femte beste medaljenasjon under leikane i Vancouver med seks gull, seks sølv og to bronsemedaljar.
Slik medaljefangst har ført til stort oppsving for vinteridretten i landet. Pyeongchang ligg i Gangwon-provinsen, 180 kilometer aust for Seoul.
Alle dei tre søkjarbyane får truleg status som finalistar når IOK i juni offentleggjer dei nominerte byane.
I februar ventar anleggsundersøkingar. Vinnarbyen blir offentleggjort 6. juni neste år i Durban, Sør-Afrika. (©NPK)
