Tur frå Finden til Solrenningen
Finden er ein liten idyll på sørsida av Sognefjorden. / Les saka
Rice godkjende bruk av vasstortur
Publisert: 23.04.09 kl. 11.38
Skribent: NPK
E-post: npk@npk.no
(NPK-NTB-AFP-Reuters): Vasstortur mot terrormistenkte i CIA-regi vart alt i 2002 godkjend av Condoleezza Rice, som då var nasjonal tryggingsrådgivar, går det fram av ein senatsrapport.
Senatskomiteen for etterretningssaker har granska saka om dei hardhendte avhøyrsmetodane CIA har teke i bruk mot terrormistenkte fangar.
Tidlegare denne veka vart det kjent at to fangar, der den eine, Khalid Sheik Mohammad, som er utpeikt som arkitekten bak 11. september-angrepa, vart utsett for såkalla «waterboarding» til saman 266 gonger. «Waterboarding», eller simulert drukning, går ut på at fangen får tømd store mengder vatn over andletet medan han ligg på ryggen.
I granskingsrapporten sin konkluderer senatskomiteen med at Rice og andre toppar i regjeringa til George W. Bush vart orienterte om «alternative avhøyrsmetodar, deriblant waterboarding» i mai 2002. CIA uttrykte då ønske om å få lov til å bruke slike metodar.
I eit møte med dåverande CIA-sjef George Tenet i juli det same året, gjekk Rice med på at «CIA kunne gå i gang med denne typen avhøyr» av Abu Zubaydah. Han vart teken i Pakistan i mars 2002 og er mistenkt for å vere med i al-Qaida. (©NPK)
