Tur til Yksendalsstølen
I høve Eksingedalsmarknaden var det fellestur til Øksendalsstølen. / Les saka
Snøkaos i Spania og Italia
Publisert: 10.03.10 kl. 08.06
Skribent: NPK
E-post: npk@npk.no
(NPK-NTB-AFP): Tusenvis av reisande sat tysdag fast i snøen på grensa mellom Spania og Frankrike, medan snøen dekte byar i Italia og tusenvis av heimar på Korsika var utan straum.
Det kraftige snøveret som skapte kaos i Barcelona måndag, flytta seg tysdag austover mot Korsika og Italia, og ein ventar at det blir verre onsdag.
Over ein meter snø i Pyreneane førte til at 6.000 menneske vart sitjande fast langs 40 vegar mellom Frankrike og Spania. 1.750 lastebilar stod i kø på den franske sida av grensa utan å sleppe over.
Dagen før hadde snøveret skapt kaos i Barcelona, Spanias nest største by på middelhavskysten. Fly vart kansellerte, skular stengde og vegar og jernbanar i heile regionen var stengde som følgje av snøveret.
I Girona-området, der det fall ein halv meter snø, mista 200.000 hushald straumen. (©NPK)
