PORTRETTET: Marta steg for steg
– Viss du skal eta ein elefant, må du dela han i små porsjonar! Marta Katrine Egdetveit ler godt og hjarteleg. / Les saka
Stor vekst, men framleis raudt for Røkkes krill
Publisert: 08.02.10 kl. 14.13
Skribent: NPK
E-post: npk@npk.no
(NPK-NTB): Omsetninga har auka med 70 prosent det siste året, men framleis er rekneskapstala til Kjell Inge Røkkes krillselskap Aker BioMarine svake.
Selskapet leverte måndag eit resultat før skatt på minus 304 millionar kroner i 2009, ei forverring frå 263 millionar kroner i 2008.
Driftsinntektene auka likevel frå 85 til 145 millionar kroner i same periode. I rapporten for fjerde kvartal understrekar selskapet at veksten held fram, og at helsekostproduktet Superba Krill er blitt godkjent for sal i EU-landa.
Måndag la selskapet også fram ein plan for refinansiering, med mål å skape eit solid fundament for vidare verksemd. Planen er å få tilført minst 550 millionar kroner i eigenkapital frå Aker ASA og dei andre eigarane.
Sjølv om leiinga i selskapet ser lyst på framtida, vart Aker BioMarine dagens store tapar på Oslo Børs. Ved lunsjtider hadde aksjeverdien falle med vel 27 prosent. (©NPK)
