Tur frå Finden til Solrenningen
Finden er ein liten idyll på sørsida av Sognefjorden. / Les saka
Turistforeininga klagar på monstermaster
Publisert: 21.07.10 kl. 08.07
Skribent: NPK
E-post: npk@npk.no
(NPK): Turistforeininga har sendt klage til sivilombodsmannen på vedtaket om å byggje monstermaster i Hardanger.
Klagen er sendt saman med kommunane Ulvik og Granvin.
– Me meiner at Olje- og energidepartementet ikkje har gjort ein grundig nok jobb i vurderinga av denne saka. Særleg fordi Statnett, som er eigd av OED, har fått lagt fram argumentasjonen utan at ein har innhenta informasjon frå uavhengige aktørar, seier assisterande generalsekretær Anne Mari Aamelfot Hjelle i Den Norske Turistforening.
Den omstridde kraftlinja skal byggjast mellom Sima og Samnanger.
– Kva slags økonomiske verknader dette har på reiselivet, som er den viktigaste næringa i Hardanger, har ein ikkje eingong prøvd å talfeste. Dette er ein betydeleg mangel ved saka, seier Aamelfot Hjelle. (©NPK)
