Levande bjørk i vinterkulda
Det er 25 minus og sylklar morgon ved Djukastein på Bulken. / Les saka
Arkivfoto
– Den beste prisen nokon gong
Publisert: 12.12.09 kl. 10.43
Skribent: Frode Rene
E-post: fr@avisa-h.no
VOSS: Det var ein svært nøgd dagleg leiar i Voss Rafting Senter AS, Frode Solbakk som tok imot «Takk fy arbeidsplass-prisen» torsdag kveld.
Han er den 15. i rekkja som kan skryta av å ha fått prisen. Den første prisen vart delt ut i 1992. Den gongen var det Voss klekkeri som fekk prisen. Sidan 1992 er det berre ved to høve at prisen ikkje er delt ut.
Ynskte ikkje prisen
Sist i fjor då Evanger pølsefabrikk takka nei til prisen.
– Eg følte vel at me ikkje hadde gjort oss fortent til prisen den gongen, seier dagleg leiar Andrè Brunborg. Slik opplevde ikkje Frode Solbakk det torsdag.
– Dette er den beste prisen eg nokon gong har fått, var hans kommentar då han fekk overrekt prisen frå nestleiaren i bygdeungdomslaget på Voss, Ragnhild Tennebekk Bjørke.
I dag er det 11 årsverk ved verksemda han har drive sidan 1995. Til saman har han 40 namn på lønningslistene sine.
Fleire arbeidsplassar
– Denne prisen syner berre at me gjer ting rett og den motiverer oss til å halda fram denne utviklinga me har hatt. Sjølv om han ikkje kan lova at prisen vil føra til mange nye tilsette dei komande dagane, har han likevel ein meining om framtida. Han syner til planane verksemda har i Åsbrekkegjelet og fortel at det kan verta alt frå ein til tre nye arbeidsplassar også der.
Familiar flyttar
Ikkje berre skaper Voss Rafting Senter AS arbeidsplassar. I tillegg får dei folk til å flytta til bygda, fortel han.
– Eg kjenner i alle høve til tre familiar som har flytta til Voss, fordi me har skaffa arbeid til dei. I tillegg er det tre sambuarpar utan born som har slege seg ned her på Voss, seier han stolt.
