Levande bjørk i vinterkulda
Det er 25 minus og sylklar morgon ved Djukastein på Bulken. / Les saka
FOTO: DANIEL MELVE KVARME Det er ikkje lett å ferdast over det smale fortauet med rullator, om det ikkje er brøytt
– Fortauet er farleg
Publisert: 04.02.10 kl. 13.27
Skribent: Daniel Melve Kvarme/Frode Rene
E-post: fr@avisa-h.no
VOSS: Pensjonisten Olav Lund meiner fortauet på Langebrua lyt stengjast. Snø og is gjer fortauet smalare og verre å ferdast på.
Til tider kan det vera så smalt og dårleg brøytt at det rett og slett kan vera farleg å ferdast der.
Stengjer ikkje fortauet
Statens vegvesen ser at det smale fortauet på Langebrua ikkje er ei fullgod løysing, men meiner det er godt nok, så lenge entreprenøren som har ansvaret for å halda det fritt for snø, gjer det. Derfor vil ikkje Statens vegvesen vurdera å stengja fortauet.
Entreprenøren som har ansvaret for å halda det reint på fortauet, har til tider vore litt sein med å få bort snøen, fortel byggjeleiar i Statens vegvesen, Kåre Olav Aldal
Han legg til at folk som ikkje føler seg trygge på det smale fortauet kan velje andre sida. Han ser at det kan verta problem for dei eldre som bur i Fredheim og lyt kryssa vegen tre gonger, før dei er på Langebrua.
Sette seg fast
Kvar einaste dag nyttar Olav Lund seg av det smale fortauet, når han skal på Vangen.
Lund bur i Fredheim, og det enklaste for han er å velja den smalaste sida på Langebrua, når han skal til eller frå Vangen.
Førre laurdag var han på veg bort på Vangen med rullatoren sin. På fortauet på brua, synte det seg at det ikkje var brøytt. Difor gjekk det ikkje lange stunda før han vart ståande bom fast, fortel han.
Einaste måten han kunne koma seg der i frå, var å lyfta rullatoren ned i køyrebanen og halda fram turen over brua.
Eg snakkar med folk i Fredheim. Alle seier dei at fortauet er farleg, fortel Olav Lund.
