Farne tider - 13. mars
Biletet er frå bryllaupet til Elisabet Prestegard Nyre og David Sausjord i 1928. / Les saka
GJENNOMFØRT: Gjennom fargeprosjektet BLEST har huseigarane mala og fiksa fasadar i Vangsgata. Foto: Vidar Herre.
Ber om ein million
Publisert: 15.12.09 kl. 07.37
Skribent: Anne Rivenes
E-post: ar@avisa-hordaland.no
Voss kommune ber om at Husbanken utbetaler tilskotet til standardheving av gatemiljøet på Vangen.
Sjefsingeniør Olav Bjørke viser til tilsegna frå Husbanken, gjeve i 2007, til Blest, eit fargeprosjekt for Vangsgata. Han ber om at kommunen får utbetalt tilskotet på 1 million kroner.
– Prosjektet har vore krevjande, men har gjeve oss god erfaring i privat og offentleg samarbeid for standardheving av gatemiljø som felles interesse, skriv Bjørke.
I alt tretti huseigarar har fått midlar frå Blest-prosjektet, mot at dei målar fasadane etter ein fargeplan for Vangsgata, og at dei rettar opp i fasadedetaljar og skilting. Huseigarane forpliktar seg til å bidra med minst like stor sum sjølve til istandsetjinga.
– Heile Blest-prosjektet i Vangsgata er godt dokumentert og presentert på fagseminar sin regi, og omtalt i media, skriv Bjørke i brevet til Husbanken.
Han meiner prosjektet har overføringsverdi til andre, og Voss kommune stiller gjerne for å presentera prosjektet for andre som vil prøva tilsvarande opplegg.
