Levande bjørk i vinterkulda
Det er 25 minus og sylklar morgon ved Djukastein på Bulken. / Les saka
FOTO: FRODE RENE Eigaren kasta snø på flammane og greidde truleg å hindra at carporten brann til grunnen. No åtvarar brannsjefen mot å plassere oske frå omnar i bustader eller i garasjar.
Brann i carport
Publisert: 04.02.10 kl. 13.29
Skribent: Frode Rene
E-post: fr@avisa-h.no
VOSS: Brannvesenet på Voss rykte ved 13.30 tida ut etter melding om brann i ein garasje Sivlevegen.
Då brannvesenet kom fram, hadde eigaren kasta snø på flammane og greidd å halda flammane borte. Men, det var likevel ein del røyk frå carporten.
Truleg oske
Ei stund tidlegare på dagen hadde eigaren av garasjen vore ut med ein pose oske frå omnen inne i bustaden. Posen hadde han plassert på utsida av garasjen.
– Eg såg etter om det var glør å sjå, men det var det tilsynelatande ikkje. No ser eg at eg har teke feil, fortel han.
Ikkje overraska
Brannsjef David Skjerven er ikkje overraska.
– Dette ser me ofte. Folk vel å reinske omnane sine, så har dei oska opp i plastbøtter eller posar og set det ut i gangen. Dermed tek det fyr, fortel han. Skjerven legg til at Vikinghytta på Mjølfjell brann til grunnen i 1999. Årsaka til brannen den gongen var at einkvan hadde reinska omnen og sett frå seg oska i gangen.
No oppmodar brannsjefen folk som skal reinska omnane sine om å tenkja seg grundig om, før dei set frå seg bøtter eller posar med oske.
