Avisa Hordaland

Publisert: 12.12.09 kl. 11.51
Skribent: Frode Rene
E-post: fr@avisa-h.no

RV 13: Ein person er stadfesta omkomen, fem skal vera sende til sjukehus. Fleire av dei skal vera alvorleg skadde, etter trafikkulukka ved Granvinsvatnet.

- Me har fått melding om at to bilar har kollidert på Rv 13 i Granvin. Ein person er stadfesta omkomen, to er sende til Voss sjukehus, medan tre andre er sende til Haukeland universitetssjukehus , fortel operasjonsleiar Grindeland ved Operasjonssentralen i Hordaland.

Fleire ambulansar og luftambulansar rykte ut til den alvorlege trafikkulukka tidlegare i dag. I fylgje "Hordaland" sin journalist i Granvin, skal eine bilføraren ha mista kontrollen på bilen sin og kome sidelengs mot ein møtande bil.

Ulukka har skjedd ved Hausnes, ikkje langt frå Gullhammartunnelen i Granvin herad.

Det er svært glatt på Rv 13 frå Holven til ulukkesstaden får "Hordaland" opplyst.

RV 13 vil truleg vera stengd nokre timar, og det vert oppmoda om å køyra fv 572 over Ulvikhøgda for dei som skal i retnig mot ferja. Trafikk frå ferja, dirigerer me rundt Hardanger, opplyser operasjonsleiar Grindeland.

 Politiet fekk melding om ulukka like før klokka 11:45 i føremiddag

Interaktivt