Levande bjørk i vinterkulda
Det er 25 minus og sylklar morgon ved Djukastein på Bulken. / Les saka
Droppar forbikøyringsfelt
Publisert: 07.02.10 kl. 14.18
Skribent: Frode Rene
E-post: jed@avisa-hordaland.no
Yrkessjåfør Arve Sunde har ikkje noko til overs for at Statens vegvesen vel å kutta ut forbikøyringsfelt i tunnelen i Skjervet. – Idiotisk, seier langtransportsjåfør Arve Sunde. Det kjem til å verta lange køar når eit vogntog på 50 tonn skal gjennom ein så lang og bratt tunnel, meiner han. Sunde får støtte frå yrkestrafikkforbundet.
Trafikkfarleg
– Eg tykkjer det er lite gjennomtenkt når dei ikkje byggjer tunnel med forbikøyringsfelt. Det er ikkje spesielt langsiktig tankegang på dette prosjektet, tykkjer Jan Jacobsen i yrkestrafikkforbundet. Han legg til at det fort kan oppstå trafikkfarlege situasjonar, om tunnelen vert for bratt.
Fordyra «Vossapakko»
– Me skulle helst hatt forbikøyringsfelt i Skjervet, seier Marius Hofseth i Vegdirektoratet. Årsaka til at den ikkje kjem, skuldast mellom anna forhistoria til prosjektet.
– I byrjinga låg det føre planar om to tunnelar, fortel han. Den eine av desse var så bratt (6,7 prosent) og gjekk i ein jamn sving gjennom heile tunnelen. Dermed vart det utarbeidd eit nytt forslag om tunnel, som var både rettare og mindre bratt, fortel Hofseth.
