Tur frå Finden til Solrenningen
Finden er ein liten idyll på sørsida av Sognefjorden. / Les saka
Fylkesordførar Torill Selsvold Nyborg på talarstolen. Foto: Sigrid Seim
Fylkestinget samla i Ulvik
Publisert: 08.06.10 kl. 13.57
Skribent: Sigrid Seim
E-post: ss@avisa-hordaland.no
ULVIK: Medan sola skein ute, fekk fylkestinget høyra om gråe skyer over økonomien, inne.
Fylkestinget opna tysdag føremiddag tingseta i Kongresshallen på Brakanes, med dei tradisjonelle talane frå fylkesordførar og fylkesrådmann. Begge brukte tid på å signalisera at økonomien no tilseier bruk av bremsepedal heller enn gasspedal.
Må skjera ned
Fylkesrådmannen meiner budsjettet dette året må takast ned med 20 mill kr, og med like mykje neste år. Rekneskapen for i fjor var svak, mellom dei svakaste av fylkeskommunane, kunne fylkesordførar Torill Selsvold Nyborg slå fast.
Mongstad og trallebane
Ein liten Mongstad-debatt følgde etter dei innleiande talane, der ulike grupperingar fekk markert sin kritikk av utsetjinga av «månelandinga». Men aller mest engasjement la Terje Kollbotn (Raudt) i sin appell om vidare drift av trallebanen i Skjeggedal.
Klima og bybane
Fylkestinget tok tysdag også fatt på saklista, der klimaplan for Hordaland og framtidig bybanenett i Bergensområdet er saker det er venta debatt om.
Konsolidering mellom Olav H. Hauge-senteret og Nynorsk kultursentrum skal tinget også ta stilling til, utan at det er venta noko tautrekking om akkurat den saka.
