Levande bjørk i vinterkulda
Det er 25 minus og sylklar morgon ved Djukastein på Bulken. / Les saka
Foto: Svein Ulvund
Fylkesutvalet seier ja til utvida Palmafossen kraftverk
Hordaland fylkesutval sa i dag ja til opprusting og utviding av Palmafossen kraftverk. Utvidinga vil auka produksjonen frå 1,8 GWh til 16,3 GWh årleg.
Fylkesutvalet meiner at det omsøkte opprustings- og utvidingsprosjektet for Palmafossen kraftverk, tek omsyn til at elva er eit verna vassdrag og eit laksevassdrag, og rår til at det vert gjeve løyve til utbygginga. Føresetnaden er tilstrekkeleg minstevassføring av omsyn til laksen i elva.
Fylkesutvalet peikar på eksisterande kulturmiljø langs elva, og ber om at utbygginga vertbtilpassa dei kulturhistoriske kvalitetane i området.
Voss Energi ynskjer å rusta opp og utvida produksjonen i Palmafossen kraftverk i Raundalselva. Raundalselva er ein del av Vossovassdraget som vart verna vassdrag i 1985.
Vossovassdraget er også eit nasjonalt laksevassdrag. Det er omsøkt fornying av damanlegget i tillegg til nytt inntak, vassveg og kraftstasjon. Inngrepa vert om lag på same staden som det eksisterande anlegget.
