Tur frå Finden til Solrenningen
Finden er ein liten idyll på sørsida av Sognefjorden. / Les saka
OPNING 2010: Frode Grytten i ei suggererande vandring, saman med Charles Mingus, på jakt etter jazzen si sjel. VIDAR HERRE | foto
Grytten drog Vossa Jazz i gang
Publisert: 26.03.10 kl. 22.10
Skribent: Rolf Tepstad
E-post: rte@avisa-hordaland.no
VOSSA JAZZ: Opningsorda til den 37. Vossa Jazz vart serverte av rockpoeten Frode Grytten, til basstonar av Ole Amund Gjersvik.
Grytten tok i ein suggererande tekst utgangspunkt i jazzlegenda Charles Mingus sin død under Mexico si sol i 1979, og brukte den som kulisse for ei vandring gjennom skitne gater og røykfylde barar på veg etter jazzmusikken si sjel.
– Dersom du held augo igjen, skal du kunna høyra sola, var eitt av bileta han formidla. Jazzen er som ein blind mann bak rattet, lydde eit anna.
Og kva var det musikken dreia seg om, når alt kom til alt? Jau, berre jazz som blåser fletta av deg!
– Her kjem eg bror, her kjem eg – avslutta diktaren frå Odda, før han overlet scena i Vossasalen til nettopp dei fenomena han hadde skildra.
Sjølve opninga av årets Vossa Jazz var det likevel strengt teke duoen Jørn Styve og Jørund Indrehus som føretok, med den tradisjonelle Vossa Jazz-hymnen. Sistnemnde er son av komponisten som laga hymnen, Per Indrehus, førstnemnde var i år vikar for den faste lurblåsaren Ivar Kvåle.
Ei mektig og ærverdig igangsetjing av den 37. festivalen i rekkja var det i alle fall.
