annonse

– Hopp i vatnet, og nyt sommaren

SOL
SOL: Tysdag kan vossingane kosa seg i 28 grader og sol. (Foto: Ingvild Siglen Berger/Arkiv)

Tysdag vert ein strålande sommardag, med sol frå skyfri himmel og temperaturar opp mot 30 grader.

Marita Saue Hamre

– Det ser ut til å bli den varmaste dagen før helga, seier Lars Andreas Selberg i Vêrvarslinga på Vestlandet.

Tysdag kan vossingane venta seg så mykje som 28 grader.

– Onsdag og torsdag ser det ut til at Voss får rundt 27 og 26 grader med sol.

Temperaturane går litt ned mot helga, men framleis fint sommarvêr i byrjinga av juli.

– Det er berre å hoppa uti Vangsvatnet, oppmodar Selberg.

Kan koma torevêr

I indre strøk av Hordaland kan det komma lokale ettermiddagsbyer.

– Det er ikkje sikkert at desse vil treffa Voss, men dersom ein er midt i bya kan ein venta seg kraftig regnvêr med tore.

Selberg fortel at dei aller fleste får opphald onsdag.

Fint i helga

Det er framleis vanskeleg å seia akkurat korleis vêret blir på Voss og i omland til helga, men Selberg er optimistisk.

– Det vil vera over 20 grader, men det kan koma litt nedbør mot slutten av helga. Det vil framleis vera flotte sommarsdagar.

Klikk for å se kommentarer ()

Her kan du fritt koma med synspunkt og informasjon. Me krev fullt namn. Då vert det meir interessant for andre å lesa det du skriv. Trakassering, trugslar, hatske meldingar eller reklame vert ikkje akseptert på avisa-hordaland.no. Falske profilar vert utestengde. Ver sakleg og vis respekt når du kommenterer.