PORTRETTET: Marta steg for steg
– Viss du skal eta ein elefant, må du dela han i små porsjonar! Marta Katrine Egdetveit ler godt og hjarteleg. / Les saka
Ingen gratis lunsj
Publisert: 08.02.10 kl. 11.05
Skribent: Anne Rivenes
E-post: ar@avisa-hordaland.no
VOSS: Eigedomsskatten skal fastsetjast no. – Viss nokon får reduksjon, er det andre som må betala meir, understrekar rådmannen. Leiv Arne Mosefinn (KrF) meinte formannskapet burde ta ei drøfting på dette med botnfrådrag, før dei fastset utrekningsmåten for eigedomsskatt.
Det fekk han ikkje sine medpolitikarar med på i formannskapet torsdag. Rådmannen minna om at botnfrådrag som sosial profil kan slå feil ut.
– Det er ikkje nokon gratis lunsj her. Viss nokon får reduksjon, i form av botnfrådrag, er det andre som må betala meir, sa rådmann Einar Hauge.
Onsdag denne veka er det kommunestyret som endeleg fastset utreningsmåte for eigedomsskatt, om eventuelle botnfrådrag, reduksjonfaktorar og fritak.
Kommunestyret har tidlegare vedteke å skriva ut eigedomsskatt i heile kommunen frå og med skatteåret 2010. Det er gjennomført ny alminnneleg taksering, som dannar grunnlaget for skatteutskrivinga. Taksten kjem til offentleg ettersyn i mars, saman med informasjon om rammer og retningsliner for takseringsmetoden som Voss kommune har nytta.
