Tur frå Finden til Solrenningen
Finden er ein liten idyll på sørsida av Sognefjorden. / Les saka
Frå kraftlineprotesten i Oslo tidlegare i år. Arkivfoto: Maria Lavik
Ja til kraftlinje i Hardanger
Publisert: 02.07.10 kl. 12.34
Skribent: Hanne Marie Molde
E-post: hm@avisa-h.no
KRAFTLINA: Statnett får byggja den omstridde kraftlinja i Hardanger. Det går regjeringa inn for i dag.
- Det er ei samla regjering som står bak avgjersla som Olje- og energidepartementet har teken, seier statssekretær Guri Størvold (Sp) til bt.no.
SV har i lang tid kjempa for ei uavhengig vurdering av alternativa, men har tapt saka. Dermed får Statnett byggja den 90 kilometer lange høgspentleidningen som vil gå på nordsida av Hardangerfjorden mellom Sima i Eidfjord og Samnanger. Avgjersla kan ifylgje nrk.no ikkje ankast.
– Det finst ingen alternativ til luftlinja, seier Størvold, men understrekar at utbygginga vil verta gjennomført så skånsamt som mogeleg og at dei vil leggja stor vekt på dialog med lokalbefolkninga.
Motstanden mot planane om den 420 kV-lina gjennom Hardanger har vore svært stor. I desember demonstrerte 130 hardingar framfor Stortinget. Med dagens avgjerd kan det sjå ut til at demonstrasjonen var fånyttes.
