Tur frå Finden til Solrenningen
Finden er ein liten idyll på sørsida av Sognefjorden. / Les saka
HAR TRUA: Fungerande rektor, Irene Nesse, har trua på at linjene ved Voss Folkehøgskule vil verta fylt opp før skulestart. Foto: SVEIN ULVUND
Ledige plassar ved Voss Folkehøgskule
Publisert: 21.07.10 kl. 11.21
Skribent: Stine Strand Carlsen
E-post: ssc@avisa-h.no
VOSS: Det er framleis ledige plassar for neste skuleår på enkelte liner ved Voss Folkehøgskule.
– Me har ledige plassar på fire liner. Kunst, handverk og design, Ski og elv, Idrett og friluftsliv og musikk, seier fungerande rektor ved Voss Folkehøgskule, Irene Nesse.
Flest ledige plassar er det ved Kunst, handverk og design-lina.
Ligg dårlegare an enn i fjor
– Er det vanleg at de har så mykje ledig samanlikna med andre år?
– Me ligg litt dårleg an i høve til i fjor. Då vart det fullt nokså tidleg, og me var ein av dei mest populære folkehøgskulane på Vestlandet. Men me får inn nye søkjarar kvar veke, og me har trua på at det vil bli fylt opp innan skuleåret byrjar. No har jo folk nettopp fått svar på søknadene sine, så me reknar med at fleire vil melda seg dei nærmaste vekene, seier Nesse.
Totalt 179 ledige i heile landet
Når det gjeld elles i landet, har 6911 takka ja til ein plass på folkehøgskule. Pr 1. juli er det 78 folkehøgskular som har 179 ledige plassar.
– Tala har gått opp fem prosent samanlikna med i fjor. Men i fjor hadde me ein ekstrem auke med nærare 25 prosent, så auken i år er ikkje så dramatisk, seier informasjonssekretær Kyrre Matias Goksøyr ved Folkehøgskolekontoret.
