Avisa Hordaland

0,1%

Ei teknologiavgift på 0,1% av eksportverdien på norsk oppdrettslaks må omgåande innførast. Det vil gje årleg inntekt til FoU på 25 millionar kroner.

Pengane må øyremerkast til lukka oppdrettsanlegg, som Preline. Det selskapet har fått fram ein prototype med eit tilskot frå Innovasjon Noreg på lusne 500.000 kroner, resten frå eigenkaptal. Ære vere dei for nybrottsarbeidet. Ein slik avgift ville fram til no ikkje vore merka. Marine Harvest kunne betalt det åleine. Berre i 2. kvartal var driftsresulatet i Noreg 257 millionar kroner og i Skottland 79 millionar.

I Chile bruker Marine Harvest 115 millionar kroner berre til å hiva oppdrettsmerdane på land etter å ha øydelagt naturen så mykje at det ikkje er råd med oppdrett lengre. John Fredriksen kan venta seg eit utbyte for det på over ein kvart milliard. Mot summane her er 25 millioner lommerusk. Men viljen har ikkje vore der så lenge kommunar og stat har gjeve løyve til å voldta fjordane i Noreg for å dra ut kjempeprofitt. Men no er det kanskje for seint med den lenge varsla lakseluskatastrofen som vel tilrettelagt av eit mislykka Mattilsyn råkar sjøaure og vill og tam laks.

Det vart sagt at den eigentlege grunnen til laksesamanbrotet i Chile var likesæle myndigheiter og grådige oppdrettarar. No gjentek historien seg som ein farse i Noreg, med oppdrettar og myndigheit i ein og same person. Eit konkursras er mogeleg utgang. Då får staten trå til for å få næringa opp og stå att på ein økologisk forsvarleg måte. Ei uviljug minister må tvingast til å få 25 millionar på bordet. Kvart år.

Det skulle berre mangle. For den norske staten under Statsminister Jens Stoltenberg har med statsselskapa Mainstream og Ewos- der den inhabile Næringingsminister er setteminister for den inhabile Fiskeri- og kystministeren – stått langt framme i gruppevoldtekten av Moder Jord - I Noreg, Canada og Chile. No er det tid for voldsoffererstatning.

— FRODE STRØNEN MILJØPARTIET DEI GRØNE, FAGTALSPERSON MARIN SEKTOR