Helseministeren seier ja til blodprøve som kan avdekkje Downs syndrom

Publisert 01.03.2017 kl. 10.19.

Helsedepartementet godkjenner bruk av blodprøven NIPT for å redusere behovet for morkake- og fostervassprøvar hos gravide med rett til fosterdiagnostikk. 

Blodprøve reduserer risikoen for spontanabort.

Både Helsedirektoratet og Bioteknologirådet har anbefalt å ta i bruk blodprøven NIPT, men Helsedirektoratet anbefaler ei meir avgrensa godkjenning enn Bioteknologirådet.

– Vi godkjenner blodprøven innanfor dei strenge vilkåra for fosterdiagnostikk vi har i dag og i samsvar med Helsedirektoratets anbefaling, seier helse- og omsorgsminister Bent Høie.

(©NPK)