annonse

OL-trøbbel etter fem bom

78. PLASS
78. plass: Hilde Fenne vart dårlegast av dei norske på verdscupsprinten i dag. (Foto: Viktor Storsveen)

Hilde Fenne leverte ein dårleg OL-søknad på verdscupsprinten i dag.

Ørjan Brattetveit

Vossingen Hilde Fenne misbrukte ein stor sjanse til å sikra seg OL-plass då ho enda på 78. plass med fem bom.

Før verdscuprunden i Anterselva var det to ledige OL-plassar. Tiril Eckhoff sikra seg den eine då ho gjekk inn til hennar fyrste verdscupsiger for sesongen.

Eckhoff skaut fullt hus, og vann 12 sekund raskare enn Laura Dahlmeier og 20,6 sekund raskare enn Veronika Vitkova på 3. plass.

Fenne dårlegast

Nest beste norske vart Kaia Wøien Nicolaisen med 34. plass. Synnøve Solemdal gjekk for sakte og vart nummer 53, Marthe Olsbu blei nummer 65 og Hilde Fenne vart dårlegast av dei norske med sin 78, plass.

Kven som får den siste OL-plassen vert avgjort etter verdscuprunden i Anterselva.

Klikk for å se kommentarer ()

Her kan du fritt koma med synspunkt og informasjon. Me krev fullt namn. Då vert det meir interessant for andre å lesa det du skriv. Trakassering, trugslar, hatske meldingar eller reklame vert ikkje akseptert på avisa-hordaland.no. Falske profilar vert utestengde. Ver sakleg og vis respekt når du kommenterer.