Tur frå Finden til Solrenningen
Finden er ein liten idyll på sørsida av Sognefjorden. / Les saka
TOLMOD: Daniel Oppheim knyter slipset, som den heilt unge Olav H. Hauge. Kjem jentene til å lika han? SIGRID SEIM | tekst og foto
På innsida av Olav H
Publisert: 20.04.08 kl. 19.02
Skribent: Sigrid Seim
E-post: ss@avisa-hordaland.no
Alt er film, deler av produksjonen som Vigdis Nielsen frå Ulvik no er i ferd med å fullføra.
«Den andre mannen» skal ha premiere under poesifestivalen i september, og på NRK 1 seinare på hausten. Flimmerfilm i Bergen er produsent.
Den nest siste filmøkta i Ulvik er i gang, i eit eldre hus hjå Astrid Børsheim på Torblå. Daniel Oppheim knyter slipset på seg framfor ein spegel – om att og om att. Snur seg ørlite, går eit steg til sides, ser roleg inn i spegelen.
Alt på ordre frå filmfotograf Tore Vollan og regissør Vigdis Nielsen.
Skriv og arbeider
I kjøkenet der dei held til luktar det mat, etter flesket som dei har steikt litt tidlegare. Ute har Jan Holden pause, i rolla som den vaksne Olav H. Hauge. Han har skrive nokre vers før på dagen, og skal om litt i gang med å kløyva ved.
Også ein tredje Haugespelar er på tunet, i jobb som ljosmann. Eirik Heldal har spela Hauge som ung mann.
Filmen er ein dokumentar, og opptaka skal visa hovudpersonen i daglegdagse situasjonar. Dramasituasjonane skal klyppast saman med ekte arkivmateriale, frå ulike periodar i Olav H. Hauge sitt liv. Det er gjort opptak i Ulvik i fleire omgangar. Mykje på Torblå, der dei held til denne dagen.
— Me har filma om hausten, og om vinteren. Plukka pas, og hausta eple, forklarar Vigdis Nielsen.
Lenge leitte dei etter hus, før dei fann huset med den rette følelsen.
— Me har også gjort ei rekkje intervju, om Olav H. Hauge. Med til dømes Einar Økland, Jens Haukås og Idar Stegane, Jon Fosse, og eldre folk i Ulvik.
Meir i papirutgåva 19. april
