Tur frå Finden til Solrenningen
Finden er ein liten idyll på sørsida av Sognefjorden. / Les saka
OVERSIKT: Mange levde liv er samla i anetavla til Jan-Egil Mandelid. Sist onsdag gav han innføring i slektsgransking, eit tilbod Ellen Midttun og Aasmund Skjerdal nytta seg av. Foto: Sjur Herre
På leiting etter slekta
Publisert: 02.05.08 kl. 12.26
Skribent: Anne Rivenes
E-post: ar@avisa-hordaland.no
– Før ville alle leita etter kongar og storfolk, og fann dei husmenn, så forsvann interessa, seier Liv Ystaas og ler.
Ho veit at dei fleste vil finna både storfolk og småkjeltringar om dei leitar i slektshistoria. Kort innføring i slektsgransking, var tilbodet frå Voss ættesogelag på Verda sin bokdag.
Men berre nokre få valde ein time med bøker inne framfor å vera ute i vårsola. Likevel, dei få som var der, fekk nyttige tips om korleis ein kjem i gang med slektsgransking.
– Du byrjar med det enkle. Skriv ned det du sjølv veit om eiga slekt, og gå til foreldre eller besteforeldre og spør. Eldre slektningar vert ofte glade for å få spørsmål og å fortelja om gamle dagar, seier Jan-Egil Mandelid, leiar i Voss ættesogelag.
Snakk med dei eldre
– For å få system, kan det vera greitt med ei anetavle. Der skriv du deg sjølv i midten, og fyller ut med foreldre, besteforeldre, oldeforeldre, tipp-oldeforeldre og så vidare, seier Mandelid, og viser si eiga anetavle som døme.
Der kan han gå så langt som seks «tippar» tilbake, og det vil seia folk som er fødd på byrjinga av 1700-talet. Og når talet på namn doblar seg for kvar generasjon, vert det etterkvart ei stor oversikt over personar. Di yngre ein er når ein byrjar med slektsgransking, di enklare er det, fordi ein då oftast har eldre slektningar å spørja.
Og kanskje kan ein ta opp på kassett eller video når ein ber bestemor fortelja, slik at ein får med alle detaljar – og samstundes eit minne.
Vil du lesa resten av artikkelen - så finn du han i utgåva for tysdag 29. april
