Levande bjørk i vinterkulda
Det er 25 minus og sylklar morgon ved Djukastein på Bulken. / Les saka
Politiet har pågripe 11-12 personar
Publisert: 05.02.10 kl. 19.01
Skribent: Frode Rene
E-post: fr@avisa-h.no
Til saman har politiet fått 40 tilståingar og 17 melde saker siste fjorten dagane. – Me har ein heil del saker me jobbar med og har fleire spor å gå etter. 11-12 ungdommar er sikta i ei eller fleire av sakene
– Me har namnet på om lag ti ungdommar i samband med oppklaringa så langt, fortel lensmann Ivar Hellene. Han utelet ikkje at fleire personar kan verta pågripne.
Fingeravtrykk og DNA
Fleire av dei sikta, har gjeve frå seg fingeravtrykk og DNA. Resten som ikkje har gjeve frå seg fingeravtrykk og DNA, vil i næraste framtid få høve til det, opplyser lensmannen. Alle dei sikta vil etterkvart verta kontrollerte opp mot spor politiet har frå andre uoppklara saker.
Hellene ser ikkje bort i frå at ein eller fleire av ungdommane som no er sikta, kan verta kalla inn til nye avhøyr i andre tilhøve.
Mange innbrot er oppklara
Mellom anna er tre innbrot hjå Forsvarsbygg på Bømoen oppklara. Det vart det stole eit lykleskåp med lyklar til heile militærleiren. Her vart seks personar sikta.
Også hjå Vianor i Brynaskogen var det innbrot. Der vart bilhjul stole. Her er tre personar sikta.
Utanfor Voss Handelshus vart det gjort innbrot i ein container fylt med fyrverkeri. Denne vart ved to høve brote opp. Politiet har sikta to personar for eit av dei to innbrota.
Også i Kajakkbua på fengselstomta var det innbrot. Tre personar er sikta.
På Mønsberget vart det stole ein del verkty, her er også tre personar sikta i saka.
