Tur frå Finden til Solrenningen
Finden er ein liten idyll på sørsida av Sognefjorden. / Les saka
IDYLL: Den grøne sløyfa (Nasjonal sykkelveg nr 4) bør koplast tettare saman med den andre store sykkelattraksjonen i distriktet, nemleg Rallarvegen. ARKIVFOTO: SJUR HERRE
Rallarveg + Grøn sløyfe = Snart sant?
Publisert: 08.03.10 kl. 14.52
Skribent: Anne Rivenes
E-post: ar@avisa-hordaland.no
Hovudutfordringa for sykkelnettet på Voss er å kopla Rallarvegen med sykkeltilbodet i Den grøne sløyfa.
Arbeidsgruppa for Reiseliv og Sykkel arbeider for at Voss skal verta eit syklist-velkomen-reisemål.
Dei ynskjer å koma med innspel til kommunen og vegvesenet som onsdag har trafikksikringsmøte med tema sykkel.
Trengst tydeleg skilting
For å knyta Rallarvegen tettare saman med sykkeltilbodet Den grøne sløyfa, er det knytt utfordringar til vegkrysset ved Palmafossen, og sykling gjennom sentrum av Voss. Begge stadene trengst tydeleg skilting.
Eit anna problem er strekninga frå Geitle til Evanger, der det manglar sykkelveg og alternativa er å sykla inn på stamvegen eller ta toget frå Bulken til Evanger.
Rundturar og samarbeid
– Når det gjeld tilrettelegging for rundturar på sykkel, peikar gruppa på sykkelruta rundt Vangsvatnet som treng skilting. Samstundes må ein sikra høve til rundtur rundt Lønavatnet. Der er det viktig å sikra sykkelinteressene i komande reguleringsplan for E16.
Eit tredje satsingsområde er å tilby gode tilhøve for sykkel mellom Voss og verdsarvområdet.
Sykkel på skinner
Andre innspel for å gjera Voss til ein meir sykkelvenleg stad, er behov for skilting og informasjon, og samordning av arbeidet med Hovudnett Sykkel Voss med trafikksikringsplanen og med arbeidet som Reiseliv og Sykkel arbeidsgruppa utfører.
Arbeidsgruppa har også oppretta ei gruppe på Facebook kalla Sykkel på skinner, for å utvikla turkombinasjonen tog og sykkel.
Innspelet frå arbeidsgruppa er underskrive av Anne Grethe Bakke i Destinasjon Voss. I arbeidsgruppa sit representantar for kommunen, reiselivet, vegvesenet og sykleklubben.
