Tur frå Finden til Solrenningen
Finden er ein liten idyll på sørsida av Sognefjorden. / Les saka
Stortinget sin transport og kommunikasjonskomité skulle til Voss for mellom anna å diskutera jernbane. Jernbanevogna dei reserverte fekk dei ikkje, fordi toget den var på var 2,5 timar seint frå Ål stasjon. FOTO | ANDERS VEVATNE HEREID
Reserverte vogn, fekk ho ikkje
Publisert: 23.02.10 kl. 15.57
Skribent: Frode Rene
E-post: fr@avisa-h.no
BERGEN Stortinget sin Transport- og kommunikasjonskomité reserverte ei eiga vogn frå Bergen til Voss. Den fekk dei ikkje. Årsak: Toget frå Ål var to og ein halv time seint!
Ironisk nok skulle Stortinget sin transport og kommunikasjonskomité til Voss for mellom anna å diskutera Vossebana, Bergensbanen og ei framtid med høgfartsbane då NSB svika politikarane tysdag.
Nyoppussa
Jernbanevogna dei reserverte frå Bergen til Voss, sat fast på toget frå Oslo. Det toget var rundt 2,5 timar seint frå Ål. I fylgje NSB sin nettstad kom ikkje toget til Bergen før politikarane skulle vera på Voss. Dermed laut dei reisa som folk flest – med ekstratog.
Informasjonssjef i Jernbaneverket Vest, Inge Hjertaas fortel at det vart sett opp eit ekstratog frå Bergen med nyoppussa vogner som tok dei reisande til Voss. Om det var eit medvite val av NSB å ta i bruk dei flottaste vognene dei hadde, med tanke på at det er politikarar som skal ut å reisa, ville ikkje Hjertaas seia noko om.
– Alle som reiser med langdistansetog krev ein viss standard, seier han.
Ekstratoget frå Bergen kom til Voss stasjon om lag klokka 17:08 tysdag ettermiddag.
