Avisa Hordaland

Publisert: 06.02.10 kl. 09.41
Skribent: Frode Rene
E-post: jed@avisa-hordaland.no

 VOSS: Byggjeleiar i Statens vegvesen Kåre Olav Aldal bad om orsaking for at dei hadde brøytt store mengder snø inn i hagen til rørslehemma Stabæk

– Eg vart veldig glad då byggjeleiaren i Statens vegvesen kom og banka på døra mi, seier ein smilande Kåre Stabæk (89)

Skjedd ein feil

– Han kom for å orsake seg. Eg tykkjer det var veldig vakse gjort av han, seier han. Han fortalde meg at det hadde skjedd ein feil, og han lova at det ikkje skulle skje att.

Det var ikkje same tonen i Stabæk tidlegare denne veka, då han vart brøytt inne av ein entreprenør som arbeidde for Statens vegvesen. Då tykte han at Statens vegvesen var arrogante.

No er alt gløymt, og Stabæk treng ikkje uroa seg for at slikt skal skje att. 

Misforståing

Kåre Olav Aldal i Statens vegvesen fortel at han har freista å nøsta opp i denne saka og har kome til at det har skjedd ei misforståing.

– Då eg var ned for å sjå på brøytekanten måndag, hadde den «barmhjertige samaritan» alt vore der å rydda. Dermed oppfatta ikkje eg dette som eit problem. Etter å ha studert bileta i «Hordaland» litt meir nøye, såg han at det var brøytt langt meir snø inn i hagen enn normalt.

Ber om orsaking

Aldal ber om orsaking for denne hendingar og lovar at han skal gjera alt for at dette ikkje skal skje att.

– Eg har snakka med entreprenøren og, fortel han.

Elles hadde Stabæk og eg ein grei dialog, fortel Aldal.

Interaktivt