Tur til Yksendalsstølen
I høve Eksingedalsmarknaden var det fellestur til Øksendalsstølen. / Les saka
Stengjer Vallaviktunnelen
Publisert: 15.03.10 kl. 09.41
Skribent: Jan Egil Dyvik
E-post: fr@avisa-h.no
GRANVIN: Grunna anleggsarbeid vert Vallaviktunnelen stengd frå tysdag kveld til onsdag morgon
Frå tysdag kveld 16. mars kl. 22.00 til onsdag 17. mars kl. 06.00 stengjer Statens vegvesen Vallaviktunnelen.
Kolonnekøyring
For dei som kjem med ferje etter stenginga, vert det innførd kolonnekøyringar gjennom tunnelen. Frå Granvin-sida går det kolonne klokka 23.25, 01.05, 02.00 og 05.00. Frå Vallavik går det kolonne kl.23.30, 01.10, 02.20 og 05.05.
Omkøyring over Espelandsdalen
Skal du forbi dette området utanom desse tidene, lyt du køyra fylkesveg 572 mellom Bruravik – Holven over Espelandsdalen.
Kontroll
Statens vegvesen skal ha ein nattleg kontroll på ventilasjonsvifter og kabelbruer i den 7,5 km lange Vallaviktunnelen.
Dette er ein del av kartlegginga av tilstanden på utstyret i den 25 år gamle tunnelen. Kontrollen må skje når det ikkje er trafikk i tunnelen, og rv. 13 Vallaviktunnelen blir dermed stengt frå tysdag 16. mars kl. 22.00 til onsdag 17. mars kl. 06.00.
I tillegg til kontrollen av dei 52 viftene (26 par) skal tette drensrøyr same natta spylast på dei 500 metrane mellom munninga i Vallavik og den komande rundkøyringa mot Hardangerbrua, der det har pågått anleggsarbeid sidan i fjor haust - då tunnelen var stengt i åtte veker.
