Tur til Yksendalsstølen
I høve Eksingedalsmarknaden var det fellestur til Øksendalsstølen. / Les saka
VOSS PÅ 1. OG 3.: Vossaeigde Iben H (nr 6) knip førsteplassen i det tette feltet, medan Løngspretten (nr 7) ved sida av tek tredjeplassen. FOTO: BERGEN TRAVPARK
To vossahestar vann på Parken
Publisert: 20.02.10 kl. 18.18
Skribent: Geir Geitle
E-post: gg@avisa-h.no
BERGEN: Vossahestane hadde ein god dag på Bergen Travpark fredag kveld. Både vossaeigde Hæve Alma og Iben H gjekk til topps i sine løp, og det vart også to tredjeplassar.
For vossahestane starta det med at Drageblæsen køyrde inn til 3. plass i 6. løp, og tok den første av topp tre-plasseringane for våre hestar. Km/tida vart 1.29.8 etter galopp. Med seg tilbake Voss utpå kvelden hadde eigarane Vidar og Rune Drageset ein premi på 5.000 kroner.
Iben H tok andre på rad
I 7. løp gjekk Iben H, kuska av Tore Håvardstun og eigd av Ivar Herre og Britt Emilie G. Bøe, til topps for andre gong på rad på travparken. Km/tid 1.35.2 i eit tett felt, og førstepremien var på 10.000 kroner.
I dette løpet køyrde i tillegg Løngspretten, eigd av Arne H. Skeie, inn til 3. plass, berre ei knapp halv lengde etter Iben H. Km/tid 1.35.2 etter galopp, og premi 3.500 kroner. Tempranella, eigd av Frida og Knut Dagestad,. kom på 7. plass og fekk 2.000 i premi.
I 9. løp køyrde Frk. Perny til Randi og Asbjørn Giljarhus inn til 7. plass, med km/tid 1.32.8 og 2.000 i premi.
Hæve Alma suveren
Og i kveldens siste, det 10. løpet, tok Hæve Alma førstepremien, og sytte for ei flott avslutning på dagen for vossahestane. Også Hæve Alma er ein hest eigd av Arne H. Skeie.
Hesten kuska av Odd Storetvedt var heilt suveren i løpet, med km/tida 1.34.0, og Skeie innkasserte 10.000 i premi.
