Farne tider - 13. mars
Biletet er frå bryllaupet til Elisabet Prestegard Nyre og David Sausjord i 1928. / Les saka
FOTO: DANIEL MELVE KVARME. Den utanlandske semitraileren hamna onsdag føremiddag på same stad som ein anna semitrailer gjorde for under tre veker sidan
Trailer utfor vegen att
Publisert: 03.02.10 kl. 12.41
Skribent: Frode Rene
E-post: fr@avisa-h.no
Ein semitrailer har hamna utfor vegen på E-16 ved Humlebrekke. Vegen var stengd i vel ein time i samband med bilberging, men er no opna att.
Eit tysk vogntog hamna ved 10-tida onsdag føremiddag utfor vegen ved Skjelvika, ikkje langt frå Humlebrekke på E-16 i føremiddag.
– Sjåføren har truleg kome for langt ut på kanten og vorte fanga av grøfta, seier politibetjent Jens Petter Gravning ved Voss lensmannskontor.
Stenger vegen
Det er mindre enn tre veker sidan sist ein semitrailer hamna utfor vegen på nøyaktig same stad. Gravning ynskjer ikkje å spekulera i om vegen kan vera brøytt for langt ut på denne staden, sidan ei ny utforkøyring skjer att, på same stad.
Voss bilberging informerte klokka 14.15 om at lastebilen er kome på rett kjøl og vegen har opna att for trafikk.
Ingen skal ha vorte skadde i utforkøyringa
